.. قولي يابحر .... &&& بقلم فتحى وجيه &&&

... قولي يابحر ....قولي يابحر .ليه حكاياتك .شايله الحزن .شايله الموت ..ليه غضباتك .
نصرخ منها .
بعلو الصوت ..
واللي يجيلك .
يرجع تاني .
متشال في تابوت ..
فين احجارك .
فين مرجانك .
او حتي ياقوت ..
هُمَ عرايسك .
هاجروا وسافروا .
وسابوا في قلبك .
ريحه الموت ؟
تعالي وشوف .
صرخه امي .
لما اخدت اخويا .
في ظلام وسكوت ..
هو اخويا .
في قلبك ساكن ؟
ولا هيرجع .
في بطن الحوت ..
ولما اخدت .
حبيبي مني .
وفضلت اصرخ .
بعلو الصوت ..
وانا من يومها .
عايش وحدي .
ونفسي اجيلك .
ولو راح اموت ..
بقلبي عشقتك .
وياما غنيت لك .
ولما افتكرك .
بأكون مبسوط ..
ابعت خيرك .
وارضي ضميرك .
وانسي الموت ..
وكفايه نوات .
كفايه غضبات .
افرح تاني .
غني اغاني
وعلي الصوت ..
وانا وياك .
اغني وراك .
انسي همومي .
واكون مبسوط ..
فتحي وجيه ..